გუშინ გაიმართა ამხანაგური მატჩი ბილბაოს ატლეტიკსა და მილანს შორის, რომელიც ნულოვანი ფრით დასრულდა. შეხვედრის შემდეგ მილანის ნახევარმცველებმა, კრისტიან ბროკიმ და იოან გურკუფმა მცირე კომენტარი გააკეთეს.
კრისტიან ბროკი: „მილანში არიან პირველისა და მეორე გუნდის ფეხბურთელები, თამაშს იგებ თუ აგებ, ეს ყველაფერი ხდება გუნდთან ერთად. არასწორი იქნებოდა მხოლოდ იმათზე ლაპარაკი ვიცნ ითამაშა და მხოლოდ მათ მიმართ პატივისცემის გამოვლენა, რადგან უფრო მნიშვნელოვანი გუნდური სულისკვეთებაა და იმის ჩვენება, რომ ყველანი ერთი საქმისთვის ვიბრძვით. დიდა? მე იმედგაცრუებული ვარ ფიფას სადამსჯელო სანქციით. ყველას შემთხვევია ისეთი რამ, როცა იმ მომენტში ვერ აანალიზებ საკუთარ საქციელს. დიდა ყოველთვის იყო და რჩება სამაგალითო ფეხბურთელად.”
იოან გურკუფი: „დღეს მე ყველაფერი გავაკეთე იმისთვის, რომ ჩემი მაქსიმუმი გამეღო მილანისთვის. ჩემთვის მნიშვნელოვანი იქნება ის, რომ უფრო მეტი დროის გატარება შემეძლოს მინდორზე. მე რომ მილანზე დაბალი დონის გუნდში ვთამაშობდე, ალბათ უფრო მეტი სივრცე მექნებოდა, თუმცა, ბედნიერი ვარ იმით, რომ მსოფლიოს საუკეთესო კლუბის რიგებში ვირიცხები.”
|
